အသက်တစ်နှစ်ပိုကြီးခဲ့တဲ့ ဘ၀တွေ
နည်းပညာပေါ်တည်နေရတဲ့ ဘ၀တွေ
စက်ရုံတွေပေါ်တည်နေရတဲ့ ဘ၀တွေ
သစ်တောတွေပေါ်တည်နေရတဲ့ ဘ၀တွေ...
လေထုညစ်ညမ်းမှုတွေထဲက ဘ၀တွေ
မိုးကြီးရေလျှံမှုတွေထဲက ဘ၀တွေ
ကုန်ဈေးနှုန်းတွေနဲ့ ရပ်တည်နေရတဲ့ ဘ၀တွေ
မျှော်လင့်ချက်တွေနဲ့ ရပ်တည်နေရတဲ့ ဘ၀တွေ
ဒီဘ၀တွေထဲမှာပဲ
အရေးတကြီးကိစ္စတွေလည်းရှိနေရဲ့...
သဘာဝပတ်ဝန်းကျင်ထိန်းသိမ်းဖို့လည်း
အရေးကြီးတာပဲ
အသုံးချစရာ နည်းပညာတွေတတ်မြောက်ဖို့လည်း
အရေးကြီးတာပဲ
ရေတွက်စရာ ငွေစက္ကူတွေရှိဖို့လည်း အရေးကြီးတာပဲ
နေစရာ ကိုယ်ပိုင်အိမ်တွေရှိဖို့လည်း အရေးကြီးတာပဲ
အိမ်နဲ့ဝေးနေသူတွေအတွက် ...
ကိုယ့်အိမ်ပြန်ရောက်ဖို့လည်း အရေးကြီးတာပဲ။
ကိုယ်ရောက်တဲ့နေရာမှာ
လူ့ဂုဏ်သိက္ခာအပြည့်နဲ့နေတတ်ဖို့လည်း အရေးကြီးတာပဲ။
ကားတွေ.. စက်တွေ..
အ၀တ်အစားတွေ...
လူ့အသုံးအဆောင်တွေ
အမျိုးစုံ ဖန်တီးလိုက်ကြ..
သုံးစွဲလိုက်ကြ.. စွန့်ပစ်လိုက်ကြနဲ့..
တီထွင်လေသမျှ နောက်ဆုံးပေါ်ဆိုတာတွေဟာ
နောက်ဆုံးတော့ ရှေးဟောင်းပစ္စည်းဖြစ်သွားတာပါပဲ။
ကမ္ဘာ့ရွာကြီးထဲမှာ တစ်နေ့တစ်ခြား
တံငါတွေ မုဆိုးတွေများများလာ
ဒီကြားထဲမှာ
တံငါနားနီးတံငါ မုဆိုးနားနီးမုဆိုး
မဖြစ်ခဲ့ရတာကိုပဲ ဂုဏ်ယူပါရစေ။
ဟိုလမ်းညွှန် ဒီလမ်းညွန်...
လမ်းညွှန်ပေါင်းစုံအလယ်မှာ
ကိုယ်သွားရမယ့်လမ်းကို
ကိုယ်ကိုယ်တိုင်ပဲ ရှာဖွေရွေးချယ်ခဲ့ပါတယ်။
No comments:
Post a Comment