Wednesday, September 19, 2012

လူမှုဆက်ဆံရေးပုံစံ












လူမှုဆက်ဆံရေးပုံစံမှာ
-       ပတ်ဝန်းကျင်ကို ဂရုစိုက်ရမယ်..  ၊ ပြီးတော့
-       ပတ်ဝန်းကျင်ကို ဂရုမစိုက်ရဘူး။
ပတ်ဝန်းကျင်ကို ဂရုစိုက်ရမယ်.. ဆိုတာက
လူကိုလူလို မြင်တတ်၊ ဆက်ဆံတတ်ရမယ်။
လူ လူချင်းဆိုတဲ့အသိနဲ့ ချစ်ခင်ရင်းနှီးရမယ်။
အပြန်အလှန် လေးစားရမယ်လို့ ဆိုလိုတာ ဖြစ်ပါတယ်။
ပတ်ဝန်းကျင်ကို ဂရုမစိုက်ရဘူး.. ဆိုတာကတော့
ပတ်ဝန်းကျင်က လူတွေ ဘာပဲပြောပြော..
ကိုယ့်ယုံကြည်ချက်အပေါ်မှာ ကိုယ်ခိုင်ခိုင်မြဲမြဲ ရပ်တည်ပြီး လုပ်စရာရှိတာကို စစ်စစ်မှန်မှန် လုပ်သွားဖို့ပါ။
ကိုယ်ယုံကြည်ရာကို စစ်စစ်မှန်မှန် လုပ်မယ်။ သူများတွေ ကြိုက်ကြိုက် မကြိုက်ကြိုက် ငါ့အလုပ်ကို အပျက်မခံဘူး.. ဆိုတဲ့ စိတ်ဓာတ်နဲ့ ရပ်တည်တာကို ဆိုလိုတာ ဖြစ်ပါတယ်။
 (မင်းခိုက်စိုးစံ၏ ခောတ်သစ်တစ်ခု၏ အစ၊ အဓိပ္ပါယ်များ၏ အဆုံး စာအုပ်မှ)

Monday, September 17, 2012

Looking Glass Self


 
Sullivan ရဲ့ Sociology စာအုပ်မှ “Looking Glass Self” ဆိုတဲ့ သဘောတရားလေး တခု ပြောပြချင်ပါတယ်။
“တခြားသူတွေက ကိုယ့်အပေါ် ဘယ်လိုမြင်သလဲ ဆိုတာကို အာရုံစိုက်လွန်းပြီး ကိုယ့်ကိုယ်ကို ပုံဖော်ခြင်းကို ခေါ်တာပါပဲ။”

 
ကလေးတစ်ယောက်ကို ကျွန်တော်တွေ့ဖူးပါတယ်။ လူကြီးတွေက အဲဒီကလေးကို “သိပ်ရိုသေတတ်တာပဲ” ခဏခဏပြောတယ်။ ကလေးကလည်း အဲဒါကို အမြဲကြားနေရတာ။ ကြာတော့ အဲဒီမှတ်ချက်ကို အာရုံစိုက်လွန်းသွားတယ်။ အဲဒီမှ သူ့ကိုသူ ရိုသေတတ်လွန်းသူကလေး မဖြစ်ဖြစ်အောင် အတင်းပုံဖော် လုပ်ယူတော့တာပါပဲ။ ဟုတ်တယ်လေ.. “ဒီကောင် လူကြီးကို မရိုသေတတ်ဘူး” လို့ အပြောခံရမှာ ကြောက်နေပြီိကိုး..။ အဲဒါနဲ့ပဲ လူတွေ့တိုင်း အတင်းကြီးကို ရိုသေပြနေတော့တာပဲ။
“ဟုတ်ကဲ့ပါ ခင်ဗျ”
“ကျွန်တော် နားထောင်နေပါတယ် ခင်ဗျ”
“ကျွန်တော့်ကို ဆုံးမပေးပါခင်ဗျ” နဲ့ လက်ကလေးပိုက်၊ ခါးကလေးကုန်းပြီး လူတွေ့တိုင်းကို ပြောနေတော့တာ။
ကြာတော့ အမြင်ကတ်ဖို့ ကောင်းလာတယ်။
ဒါ သူ အစစ် မဟုတ်တော့ဘူးလေ။ တခြားသူတွေရဲ့ ထင်မြင်မှုကို ရယူဖို့၊ တခြားသူတွေက သူ့အပေါ် စိတ်ကျေနပ်ဖို့ အတွက် လိုက်လုပ်ယူနေတဲ့ အပြုအမူတွေပဲ။
လူကြီးကို ရိုသေတာက ကောင်းပါတယ်။ ဒါပေမယ့် ကိုယ်ကိုယ်တိုင် ဆုံးဖြတ်လုပ်ကိုင်တဲ့ အပြုအမူအစစ် မဟုတ်ပဲ တခြားသူတွေရဲ့ အမြင်ကို မှီခိုပြီး အတု လုပ်ပြ နေတာကတော့ သနားစရာကောင်းလွန်းပါတယ်။
အဲဒီလို ကိုယ့်ကို အကောင်းပြောတာခံချင်တဲ့ ရောဂါကလည်း အန္တရာယ် မသေးပါဘူး။
သူများ ချီးကျူးတာ ခံချင်လို့လုပ်တာ..။ လူမြင်ကောင်းပါစေတော့ ဆိုပြီး မျှောလိုက်နေတာတွေကတော့ အတု တွေပဲ။
ကိုယ်ဘာကို တကယ်ယုံကြည်သလဲ။
ကိုယ်ဘာကို တကယ်လုပ်ချင်သလဲ။
အရင်ဆုံး ကိုယ့်ကိုယ်ကို သိမြင်နားလည်လာအောင် လုပ်ပါ။
ကိုယ့်လမ်းစဉ်ကို ကိုယ့်အတွေးအခေါ်အပေါ် ကိုယ်ခြေစုံပြီး ဆုံးဖြတ်ပါ။
(မင်းခိုက်စိုးစံ၏ ခောတ်သစ်တစ်ခု၏ အစ၊ အဓိပ္ပါယ်များ၏ အဆုံး စာအုပ်မှ)

Sunday, September 16, 2012

ငါ့ကို လူတွေ ဘယ်လိုမြင်ကုန်ကြပြီလဲ???


လူ့ပတ်ဝန်းကျင်မှာ သောကတွေနဲ့ ပူလောက်နေရသူတွေ အများကြီး….
“ငါ့ကို လူတွေ ဘယ်လိုမြင်ကုန်ကြပြီလဲ” ဆိုတဲ့ အတွေးတွေနဲ့ သူတို့ရဲ့ စိတ်နှလုံးတွေဟာ ညှိုးချုံးနွမ်းနယ်၊ အညွန့်တုံး နေရတယ်။ ဖန်တီးနိုင်စွမ်းအား တွေ အဖျက်ဆီးခံနေရတယ်။
ကျေးဇူးပြုပြီး ….
အဲဒီလိုလူတွေကို ဆုံဖြစ်ရင် ပြောပြပေးပါ။
အဲဒါဟာ ပြဿနာအစစ် မဟုတ်ပါဘူး လို့။
ပြဿနာ မဟုတ်တာ ပြဿနာလုပ်နေတဲ့ လူမှုရေး စိတ်ဓာတ် အရောင်ဆိုးမှုတွေသာဖြစ်တယ် လို့။
သူများရဲ့ ထင်မြင်ချက်အပေါ် အလေးထားလွန်းရာက ဖြစ်လာတဲ့ စိတ်ဒုက္ခ ဟာ ဘယ်သူ့အတွက်မှ ကောင်းကျိုး မဖြစ်ထွန်းစေနိုင်ဘူး။ လောကကြီးက ပြဇာတ်တခု မဟုတ်တဲ့အတွက် သင်ဟာ ဇာတ်လိုက်တယောက် မဟုတ်သလို ကျန်တဲ့သူတွေဟာလည်း ဘာမှ မဟုတ်ကြပါဘူး။
“ဘယ်သူ့မှ ဂရုမစိုက်ဘူး” ဆိုတဲ့ ပိုကဲတုံ့ပြန်မှုမျိုး လုပ်ဖို့ပြောနေတာ မဟုတ်ပါဘူး။
မိမိရဲ့ စိတ်ကို သူတပါးတွေရဲ့ ထင်မြင်ချက်တွေက လွှမ်းမိုးကန့်သတ်ထားတာ မခံဖို့ပါ။
မိမိလုပ်တဲ့ အလုပ်ဟာ
        (၁) ကိုယ်တိုင် အသိစိတ်ရှိရှိ ရွေးချယ်မှုနဲ့
        (၂) ကိုယ်ပိုင် လွတ်လပ်ခွင့်နဲ့
        (၃) တကယ်ကို စိတ်ပါလက်ပါ နှစ်နှစ်ခြိုက်ခြိုက် ဆောင်ရွက်တာမျိုးပဲ ဖြစ်သင့်ပါတယ်။
လူ့အဖွဲ့အစည်းမှာ အတင်းအဖျင်းတွေ များလွန်းပါတယ်။ ကိုယ်နဲ့လည်း ဘာမှမဆိုင်၊ သေသေချာချာလည်း မသိတဲ့ ကိစ္စရပ်တွေမှာ လူတွေရဲ့ မှတ်ချက်တွေ၊ ကဲ့ရဲ့စကားတွေ၊ ချီးကျူစကားတွေ ပြောတာများလွန်းတယ်။
အဆိုးဆုံးက အဲဒီ့ ချီးကျူးစကားတွေ ကြားရဖို့၊ ကဲ့ရဲ့မှုတွေရဲ့ ဒဏ်တွေကို ကြံ့ကြံ့မခိုင်နိုင်လို့ လူမြင်ကောင်းအောင် လုပ်ပြနေရတာတွေ များလွန်းတာပါပဲ။
ကိုယ့်အတွက် ကိုယ် ကိုယ့်စိတ်ကြိုက်ကို လုပ်တာမဟုတ်ပဲ။
သူများအတွက် သူများအကြိုက် လိုက်လုပ်နေရတာလောက် လူ့တန်ဘိုးကျတာ ဘယ်ရှိလိမ့်မလဲ။
အဲသည်လိုနဲ့… လူတော်တော်များများဟာ လူ့ကိုယ်ပိုင်သတ်မှတ်ချက် ပျောက်ဆုံးသွားကြတယ်။
ကျေးဇူးပြုပြီး…
ကိုယ်စိတ်ကြိုက် လွတ်လွတ်လပ်လပ် ရွေးချယ်ပါ။
ဖြစ်သမျှ အကောင်းအဆိုးဒဏ်ကို တာဝန်ခံရဲတဲ့စိတ်ကို မွေးပါ။
(မင်းခိုက်စိုးစံ၏ ခောတ်သစ်တစ်ခု၏ အစ၊ အဓိပ္ပါယ်များ၏ အဆုံး စာအုပ်မှ)

Tuesday, August 14, 2012

အကောင်းမြင်စိတ်ကို မွေးမြူခြင်း

အကောင်းမြင်တတ်ခြင်းဟာ ဘ၀မှာ စိတ်ချမ်းချမ်းသာသာ နေနိုင်ဖို့ များစွာအထောက်အကူပြုပါတယ်။အကောင်းမြင်တတ်တာဟာ မိမိရဲ့ သဘာဝဖြစ်လာအောင် လေ့ကျင့်ပျိုးထောင်ပေးလို့ရပါတယ်။
လူနေမှုဘ၀မှာ ကြုံတွေ့ရတာတွေထဲမှာ အကောင်း အဆိုးရောနေပါတယ်။ အဆိုးတစ်ခုကြုံနေရစဉ်မှာ ကောင်းတာတွေလည်း ဒွန်တွရှိနေတတ်ပါတယ်။ အဲဒါကို မြင်တတ်အောင် လေ့ကျင့်ပေးရမှာပါ။
နောက်တော့ ကျင့်သားရသွားပြီး အကောင်းမြင်တတ်တဲ့အားကောင်းလာပါမယ်။
၁။ ကောင်းတာတွေကို ရှာကြည့်ပါ။
          ဥပမာ- ဘတ်(စ်)ကား ကျပ်ကျပ်စီးရတဲ့အခါမျိုးမှာ ဘယ်လိုကောင်းတာမျိုးရှိနိုင်ပါသလဲ။
ကားအပြင်ဘက်ကို လှမ်းကြည့်လိုက်ရင် စိမ်းစိမ်းစိုစို သစ်ပင်လေးတွေ မြင်ရတတ်ပါတယ်။ မျက်စိအားကောင်းစေပြီး စိတ်လည်း သက်သာစေပါတယ်။
၂။ ကောင်းတဲ့အတွေးအခေါ်တွေကို လေ့လာမှတ်သားပါ။
          ကောင်းတဲ့အတွေးအခေါ် အဆိုအမိန့်လေးတွေကို ဖတ်ထား မှတ်ထားခြင်းဖြင့် မိမိကြုံရတဲ့ အခြေအနေနှင့်သင့်တော်တဲ့အခါ စိတ်နှလုံးသွင်းကောင်းတွေ ၀င်လာဖို့ အမှတ်ရစေပါတယ်။ ကျန်းမာဖို့ အာဟာရကောင်းကို စားရသလိုပဲ စိတ်ကျန်းမာဖို့လည်း စိတ်ခွန်အားရှိစေမယ့် စာပေကို ဖတ်ရှုရပါတယ်။
၃။ ဂီတကို နားဆင်ပါ။
          မိမိနှစ်သက်ရာ ဂီတကို စိတ်နှစ်ပြီး နားထောင်တာဟာလည်း စိတ်ကို သက်တောင့်သက်သာရှိစေပါတယ်။ အနားရနေတဲ့စိတ်ဖြင့် မိမိပတ်ဝန်းကျင်ကို ကြည့်လိုက်ရင် ကောင်းတာတွေ အများကြီးမြင်ရပါလိမ့်မယ်။

စိတ်သဘောထား

“ပူပေါင်းချင်းတူပေမယ့် ပူပေါင်းတိုင်း မိုးပေါ်မပျံနိုင်ပါဘူး။ မိုးပျံပူပေါင်းတွေပဲ မိုးပေါ်ပျံနိုင်တာပါ။ မိုးပျံပူပေါင်းမှန်ရင် သေးသေးကြီးကြီး ဘယ်လိုအရောင်ပဲ ဖြစ်ဖြစ် မိုးပေါ်ပျံဝဲနိုင်ပါတယ်။ဘာဖြစ်လို့လဲဆိုတော့ ပူပေါင်းထဲမှာ လေပေါ်ပျံဝဲနိုင်တဲ့ ဓာတ်သတ္တိရှိနေလို့ပါ။”
လူနေမှုဘ၀ပုံစံမှာလည်း ဒီသဘောတရားလိုပါပဲ။ အမြင့်ကိုရောက်ချင်ရင် အမြင့်ကိုရောက်စေတဲ့ သတ္တိတွေရှိမှ အမြင့်ကိုရောက်နိုင်ပါတယ်။လောကမှာ အောင်မြင်နေတဲ့သူတိုင်းဟာ ဘာတွေမှ ထူးထူးခြားခြားတွေကြီးလုပ်နေကြလို့မဟုတ်ပါဘူး။ သူတို့ဟာ သာမန်ရိုးရိုးလေးတွေးပြီး ထိထိရောက်ရောက်လုပ်လိုက်ကြတာပါ။
လူတစ်ယောက်ရဲ့ဘ၀ကို လုံးဝပြောင်းလဲစေတာကတော့ အဲဒီလူရဲ့ စိတ်နေသဘောထား ဖြစ်ပါတယ်။ သူ့ စိတ်နေသဘောထားက သူ့ကို လမ်းပြပေးနိုင်သလို ခံယူချက်တွေကိုပါ ချမှတ်ပေးနိုင်ပါတယ်။ ကောင်းတဲ့စိတ်နေသဘောထားရှိတဲ့သူဟာ ဘ၀မှာ အောင်မြင်သူတစ်ယောက်အဖြစ် ရပ်တည်သွားနိုင်ပါတယ်။ မိမိမှာ ကောင်းတဲ့စိတ်နေသဘောထားတွေ ကိန်းအောင်းလာအောင် ပြုစုပျိုးထောင်လို့ရပါတယ်။ လူတွေရဲ့ စိတ်နေသဘောထားကို ပြုပြင်ပြောင်းလဲစေတဲ့ အချက်သုံးချက်ရှိပါတယ်။ အဲဒါတွေကတော့…
၁။ ပတ်ဝန်းကျင်
၂။ အတွေ့အကြုံ နှင့်
၃။ ပညာရေး တို့ဖြစ်ပါတယ်။
၁။ ပတ်ဝန်းကျင်
လူတွေရဲ့ စိတ်နေသဘောထားကို သူတို့ ရှင်သန်ကြီးပြင်းလာတဲ့ ပတ်ဝန်းကျင်က များစွာလွှမ်းမိုးပါတယ်။ ပတ်ဝန်းကျင်လို ဆိုရာမှာ…
  •   မိသားစု  
  • ကျောင်း
  • အလုပ်အကိုင်
  •  ဖျော်ဖြေရေးဆိုင်ရာ Media များ (ဥပမာ- television, newspapers, magazines, radio, movies)
  •  ရိုးရာဓလေ့ ထုံးတမ်းအစဉ်အလာများ
  • ဘာသာရေး ကိုးကွယ်ယုံကြည်မှုများ အားလုံးပါဝင်ပါတယ်။
ကောင်းတဲ့ပတ်ဝန်းကျင်မှာ ကြီးပြင်းခဲ့ရတဲ့သူတွေအတွက် ကောင်းတဲ့စိတ်နေသဘောထားကို ရရှိဖို့ ပိုမိုအထောက်အကူ ပြုနိုင်ပါတယ်။ ပတ်ဝန်းကျင်က ကောင်းတာကို မြတ်နိုးတတ်ဖို့ အလိုလို သင်ကြားပေးသွားပါတယ်။

၂။ အတွေ့အကြုံ
လူတွေဟာ သူ့တို့ရဲ့ ဘ၀မှာရင်ဆိုင်ကြုံတွေ့ရတာတွေကြောင့်လည်း စိတ်သဘောထားပြောင်းသွားတတ်ကြပါတယ်။ လူမှုဆက်ဆံရေး အတွေ့အကြုံက စိတ်သဘောထားပြောင်းလဲမှုမှာ များစွာသက်ရောက်မှုရှိပါတယ်။ လူတော်လူကောင်းတွေနဲ့ အမြဲ ထိတွေ့ဆက်ဆံရတဲ့သူတွေဟာ သူတို့ကိုယ်တိုင် တော်ချင်ကောင်းချင်စိတ်ရှိလာကြပါတယ်။

၃။ ပညာရေး
ပညာရေးဆိုရာမှာ  လူတွေအတွက် သက်မွေးဝမ်းကျောင်း အတတ်ပညာအပြင် ဘ၀နေနည်းကိုပါ
ထည့်သွင်းစဉ်းစားရမှာ ဖြစ်ပါတယ်။ ဗဟုသုတရှာမှီးကြသလို အသိဥာဏ်လည်း ဖွံ့ဖြိုးမှသာ စိတ်နေစိတ်ထားမှန်ကန်ကောင်းမွန်လာမှာ ဖြစ်ပါတယ်။
          ဒါကြောင့် မိမိမှာ အခုထက် ပိုကောင်းတဲ့ စိတ်သဘောထားတွေရှိလာဖို့ ပညာကို မြတ်နိုးတန်ဖိုးထားရပါမယ်။ မိမိပညာရေးက ကောင်းတဲ့ ပတ်ဝန်းကျင်နဲ့ အတွေ့အကြုံတွေကို ဖန်တီးပေးနိုင်ပါတယ်။
(“Shev Khera” ရဲ့  “You Can Win”စာအုပ်မှ  )

Sunday, August 12, 2012

လူ့အရည်အသွေး


လူတွေရဲ့ (personality)အရည်အသွေး အရောင်အဆင်းကို အနီ၊ အပြာ၊ အဖြူ နဲ့ အ၀ါ ဆိုပြီး ခွဲခြားနားလည်နိုင်ပါတယ်။ ဒါကို နားလည်ထားမယ်ဆိုရင် လူတွေနဲ့ ဆက်ဆံတဲ့အခါ  Personality အရောင်ပေါ်မူတည်ပြီး ဆောင်ရန် ရှောင်ရန် တွေကို လိုက်နာနိုင်ပါတယ်။
လူတိုင်းမှာ primary color တမျိုးစီတော့ ရှိပါတယ်။ တခါတလေ အခြေအနေအမျိုးမျိုးကြောင့် secondary color တွေတော့ ၀င်လာတတ်ပါတယ်။ သင်ကိုယ်တိုင်ရော သင့်ပတ်ဝန်းကျင်ကလူတွေကိုရော သတိထားကြည့်ပါ။ တကယ်စိတ်ဝင်စားစရာကောင်းပါတယ်။
အနီ
Red Personality သမားတွေဟာ Power ကို ကိုယ်စားပြုပါတယ်။ သူတို့မှာ လုပ်ရည်ကိုင်ရည် ရှိပါတယ်။ ခေါင်းဆောင်လိုစိတ်၊ တာဝန်ယူလိုစိတ် အပြည့်ရှိပါတယ်။ စူးရှတဲ့ အတွေးအမြင်ရှိပြီး ကိုယ့်ကိုယ်ကိုလည်း ယုံကြည်မှုရှိပါတယ်။ သူတပါးအပေါ်လည်း လွှမ်းမိုးလိုစိတ်များကြပါတယ်။
Red Personality သမားတွေနဲ့ ဆက်ဆံတဲ့အခါ 
ဆောင်ရန်
၁။ တိကျ သေချာပါ။
၂။ ဖြစ်ချင်တာကို တိုက်ရိုက် အသိပေးပါ။
၃။ ဂရုစိုက်မှု လေးစားသမှု ရှိပါ။
၎။ တည်ကြည်လေးနက်မှု  ရှိပါ။
ရှောင်ရန်
၁။ ဇဝေ ဇ၀ါ ချိတုံ ချတုံ ဖြစ်မနေရပါ။
၂။ ပုဂ္ဂိုလ်ရေးအရ စွက်ဖက်ပြောဆိုမှုကို သတိထားပါ။
၃။ သင် တကယ်စိတ်မ၀င်စားသော သေချာမသိသော ကိစ္စများကို မပြောရပါ။
အပြာ
Blue Personality သမားတွေဟာ Intimacy (close familiarity or friendship) ကို ကိုယ်စားပြုပါတယ်။
သူတို့မှာ အကောင်းမြင်စိတ်များပြီး ကိုယ့်ကိုယ်ကို ကောင်းဖို့ အမြဲကြိုးစားလိုစိတ်ရှိကြပါတယ်။ ကိုယ်ကျင့်တရားကို တန်ဖိုးထားတတ်ကြပြီး ရိုးသားစွာ နေလိုကြပါတယ်။ ခင်မင် ဖော်ရွေတတ်သူများလည်း  ဖြစ်ကြပါတယ်။ သူတပါးတွေဆီကလည်း ရိုးသားစွာ ဆက်ဆံလာတာကိုပဲ လိုလားတတ်ပါတယ်။
Blue Personalityသမားတွေနဲ့ ဆက်ဆံတဲ့အခါ
ဆောင်ရန်
၁။ ရိုးသားပါ။
၂။ နားလည်ပေးပါ။
၃။ ရင်းနှီးဖော်ရွေပါ။
ရှောင်ရန်
၁။ အတင်းအကျပ် ချက်ချင်းဆုံးဖြတ်ခိုင်းတာမျိုး မလုပ်ရပါ။
၂။ ကြမ်းတမ်းစွာ မဆက်ဆံရပါ။
၃။ အပြစ်တင် ပြောဆိုမှု မပြုရပါ။
အဖြူ
White Personalityသမားတွေကတော့ Peace ကို ကိုယ်စားပြုပါတယ်။ သူတို့ဟာ အေးဆေးစွာ နေလိုပြီး စိတ်ရှည် သည်းခံတတ်သူများဖြစ်ပါတယ်။ မြင့်မြတ်တဲ့ စိတ်နေစိတ်ထားရှိပြီး သဘောထား ကြီးသူများ ဖြစ်ပါတယ်။ ဘယ်သူနဲ့မှ အတိုက်အခံ သိပ်မလုပ်တတ်ပဲ သူတပါးတွေကို ဦးစားပေးအနစ်နာခံလိုစိတ်ရှိပါတယ်။ ဒီလိုလူတွေနဲ့ ဆက်ဆံရတာ သင့်အတွက် သက်တောင့်သက်သာ ရှိစေပါတယ်။
White Personality သမားတွေနဲ့ ဆက်ဆံတဲ့အခါ
ဆောင်ရန်
၁။ ပွင့်လင်းပါ။
၂။ စာနာပါ။
၃။ လွတ်လပ်မှုပေးပါ။
ရှောင်ရန်
၁။ ဖိအားမပေးပါနှင့်။
၂။ မလွှမ်းမိုးပါနှင့်။
၃။ မကြမ်းတမ်းပါနှင့်။
အ၀ါ
Yellow Personality  သမားတွေဟာ Fun ကို ကိုယ်စားပြုပါတယ်။ သူတို့ဟာ ပျော်ရွှင်ပေါ့ပါးစွာနေလိုသူများ ဖြစ်ပါတယ်။ စိတ်သဘောထားကောင်းပြီး အပေါင်းအသင်းမင်သူများ ဖြစ်ပါတယ်။ လွတ်လပ်စွာ တွေးခေါ်တတ်ပြီး ဟာသဥာဏ် ရှိသူများဖြစ်ပါတယ်။
Yellow Personality ရှိသူတွေနဲ့ ဆက်ဆံတဲ့အခါ
ဆောင်ရန်
၁။ ပွင့်လင်းပါ။
၂။ အပြန်အလှန် ရင်းရင်းနှီးနှီး ဆက်ဆံပါ။
ရှောင်ရန်
၁။ ထိန်းချုပ်ဖို့ မကြိုးစာပါနှင့်။
၂။ ပေါ့ပေါ့နေတတ်သူများအဖြစ် အထင်မသေးပါနှင့်။

***သင်ရော ဘယ်လို personality ရှိပါသလဲ။
လူတိုင်းမှာ primary color တမျိုးစီတော့ ရှိပါတယ်။ တခါတလေ အခြေအနေအမျိုးမျိုးကြောင့် secondary color တွေတော့ ၀င်လာတတ်ပါတယ်။ သင်ကိုယ်တိုင်ရော သင့်ပတ်ဝန်းကျင်ကလူတွေကိုရော သတိထားကြည့်ပါ။ တကယ်စိတ်ဝင်စားစရာကောင်းပါတယ်။
(Taylor Hartman ရဲ့  The Power of Color ကို ဖတ်ပြီး သဘောကျလို့ နားလည်သလို ပြန်ရေးထားပါတယ်)

Wednesday, March 21, 2012

What matter most is how you see yourself.

ကိုယ့်ကိုယ်ကိုယ် ဘယ်လိုခံစားမိသလဲဆိုတာ ကိုယ့်ရဲ့ လက်ထဲမှာပဲ ရှိပါတယ်။
မှန်ထဲမှာ ကိုယ့်ကိုယ်ကိုယ် ကြည့်ပြီး ဒီလို ပြောခဲ့ဖူးသလား။
‘ ငါ့ရဲ့ မျက်နှာက ဒါမျိုးမဟုတ်ရင်၊ ကိုယ်လုံးက ဒါမျိုးမဟုတ်ရင်၊ နှာခေါင်းက ဒါမျိုးမဟုတ်ရင် ကောင်းမှာပဲ ’
ကိုယ့်ဘ၀ကိုယ် ပြန်တွေးပြီး ဒီလိုပြောခဲ့ဖူးသလား။
‘ ဘာကြောင့်များ တခြားလူတွေက သိပ်ပြီး ပါရမီထူးနေကြ၊ ဥာဏ်ရည်တွေ ထက်မြက်နေကြတာလဲ ’
‘ ငါ သူတို့လို စိတ်ချမ်းသာမှုရအောင် ဘယ်လို လုပ်နိုင်မလဲ ’
ကျနော်တို့ အတော်များများမှာ ဒီလိုအတွေးမျိုးတွေ ရှိကြပါတယ်။
ဒါပေမဲ့ ဒီနေရာမှာ အလွန်အရေးကြီးတဲ့အချက်က -
ပင်ကို အရည်အချင်းရှိတာ၊ ရုပ်ရည်ချောမောတာ အလွန်အသုံးကျပါတယ်။ သို့ပေမယ့် ဥာဏ်ကောင်းသူတွေ၊ ရုပ်ရည်ချောမောသူတွေ ကမ္ဘာတစ်ဝန်းမှာ အများကြီးပဲ။ အဲဒီလူတွေကို ကျနော်တို့ အားကျနေဖို့ မလိုပါဘူး။ တချို့သော ဥာဏ်ကောင်းသူတွေ၊ ရုပ်ချောသူတွေဟာ စိတ်ကသိကအောက်ဖြစ်စရာတောင် ကောင်းသေးတယ်။
အေဘရာဟမ် လင်ကွန်း၊ မာသာ ထရီဇာနဲ့ မဟတ္တမ ဂန္ဒီတို့လို သမိုင်းမှာ လူကြည်ညို လေးစားခံရသူတွေဟာ ရုပ်ရည်လည်း မချောကြပါဘူး။ ဥာဏ်လည်း အထူးကောင်းသူတွေ မဟုတ်ကြပါဘူး။
ရည်ရည်ချောတာ၊ ဥာဏ်ကောင်းတာတွေထက် ကျနော်တို့ တန်ဖိုးအထားဆုံး အရည်အချင်းတွေကတော့ ရိုးသားခြင်း၊ သတ္တိရှိခြင်း၊ ဇွဲရှိခြင်း၊ စိတ်ထားမွန်မြတ်ခြင်းနဲ့ မိမိကိုယ်မိမိ နှိမ့်ချခြင်းတို့ပဲ ဖြစ်ပါတယ်။
အဲဒီစာရင်းလေးကို ကြည့်လိုက်ပါ။ သင့်အနေနဲ့ စိတ်ဝင်စားစရာ တစ်ခုခု တွေ့ပါလိမ့်မယ်။ သင်ဟာ ဒီအရည်အချင်းတွေနဲ့ ပြည့်စုံပြီး မွေးဖွားလာတာ မဟုတ်ပါဘူး။ ဒီအရည်အချင်းတွေရအောင် ပြုစုပျိုးထောင်ယူရပါမယ်။
ဘယ်သူကမဆို ဒီအရည်အချင်းတွေ ရှိလာနိုင်ပါတယ်။
ကိုယ်တကယ်လိုချင်ရင် ဒါတွေ ရနိုင်ပါတယ်။
ကိုယ့်ကိုယ်ကိုယ် ရိုသေလေးစားမှုနဲ့ တခြားသူတွေက ကိုယ့်ကို ရိုသေလေးစားဖို့အတွက် ဥာဏ်ပညာ ထက်မြက်ထူးချွန်နေဖို့ ဒါမှမဟုတ် စူပါမော်ဒယ်လ်ဖြစ်နေဖို့ မလိုပါဘူး။
ကိုယ်ပိုင် ရိုးသားမှု၊ ဆုံးဖြတ်နိုင်မှု၊ စိတ်ထားမွန်မြတ်မှု၊ ကိုယ့်ကိုယ်ကိုယ် နှိမ့်ချနိုင်မှုနဲ့ သတ္တိရှိမှုတို့ကို ကိုယ့်ဘာသာကိုယ် ပြုစုပျိုးထောင်ဖို့ပဲ ဖြစ်ပါတယ်။
ဒါကို ဂုဏ်အင်္ဂါရပ်လို့ ခေါ်ပါတယ် ။


( yourlifesuccess blog မှ)